سياسة الخصوصية
مسودة — آخر تحديث أكتوبر ٢٠٢٦
بنجمع إيه
الإيميل (أو بيانات حساب جوجل الأساسية) عشان تدخل، والإجابات اللي بتختارها في بياناتك: إنت مين، مرحلتك، قطاعك، محافظتك، سنة ميلادك واهتماماتك. وبنسجل الفرص اللي بتفتحها أو تحفظها أو تدوس «قدّم» فيها.
بنستخدمها في إيه
عشان نطابقك مع شروط الفرص، ونبعتلك التنبيهات اللي اخترتها، ونعرف أنهي فرص بتفيد الناس أكتر. مش بنبيع بياناتك ومش بنشاركها مع الجهات اللي بتنشر الفرص.
الـCV والعرض التقديمي
لو رفعت CV أو عرض تقديمي لمشروعك، بنبعته لنموذج ذكاء اصطناعي يقراه ويقترح إجابات لبياناتك، وإنت بتراجعها قبل ما تتحفظ. الملف نفسه مش بنحتفظ بيه، بيتقري ويتشال. اللي بيتحفظ هو الإجابات اللي إنت وافقت عليها بس.
الإحصائيات
بنستخدم Google Analytics عشان نعرف عدد الزيارات والصفحات اللي الناس بتفتحها ومنين جايين. بيحط كوكيز في المتصفح وبيشوف بيانات عامة زي نوع الجهاز والبلد، ومش بنبعتله إيميلك ولا بياناتك الشخصية.
وكمان بنحفظ في كوكي عندك إنت جيت منين أول مرة (لينك إعلان، أو صفحة سوشيال، أو بحث جوجل، أو لينك دعوة)، ولما تعمل حساب بنسجّل ده معاه عشان نعرف أنهي طرق بتوصّل الناس لرياداوي. ده جوه رياداوي بس ومش بنشاركه مع حد.
حقك
تقدر تعدّل بياناتك من «حسابي» في أي وقت، أو تطلب مسح حسابك وكل بياناته.